ازاي الاقي فرص عمل ووظائف مناسبة علي موقع أرزاق دوت كوم للفنيين والحرفيين والمؤهلات العليا حديثي التخرج
- Admin
- |
- 2018/12/08
سؤال بيتكرر كتير
ازاي الاقي فرصة عمل علي تطبيقات أرزاق دوت كوم ووظائف مناسبة لمهاراتي ومؤهلاتي
واحنا كفريق عمل ارزاق دوت كوم نحب نقولك ان الموضوع سهل وبسيط المهم انك تعملة بدقه لان الشركات لما بتلاقي السيره الذاتية بتاعتك علي تطبيق أرزاق مش كاملة او معمولة من غير اهتمام بتاخد انطباع بانك مش مهتم بالوظيفه الخالية اللي انت متقدم عليها
اولا نحب نقولك ان فى طريقتين للتعامل مع تطبيقات أرزاق دوت كوم
الاولي من خلال الموقع الالكتروني لارزاق علي الانترنت وده اللي هنتكلم عليه النهارده وهو
www.arza2.com
ادخل علي الموقع ده واختار انشاء حساب جديد
بعد كده اختار نوع الحساب باحث عن عمل لان فى حساب للشركات وحساب تاني لاصحاب المهن الحره ,فبالتالي انت هتختار تالت حاجه وهي باحث عن عمل
بعد كده هتكتب اسمك واحنا سهلنا الموضوع لو معندكش بريد الكتروني فتقدر تسجل برقم المحمول بتاعك وبعدين تكتب كلمه السر وتاكدها وتوافق علي الشروط والاحكام وتضغط علي اشترك
كده انت خلاص بقيت متسجل علي تطبيقات أرزاق دوت كوم بس لسه فاضل انك تعمل لنفسك سيره ذاتيه قيمه وفيها كل حاجه عنك وعن خبراتك ومؤهلاتك عشان الشركات تقدر تشوف انك جدير بالشغل اللي بينزل من خلالها علي موقع أرزاق دوت كوم
ابدء فى عمل كل البيانات المطلوبة علي الموقع ومهم اوي تحط صوره شخصيه ليك وتختار وتكتب خبراتك السابقه عشان كل ما السيره الذاتيه بتاعتك تكون واضحه كل ما الشركه بتهتم بيك
بعد ما تملي كل الحقول والموضوع مش هياخد منك اكتر من خمس دقايق تضغط علي حفظ اسفل الصفحه بتاعت السيره الذاتية
كده هنقولك مبروك وتقدر تقدم علي كل الوظائف المناسبة ليك علي موقع ارزاق دوت كوم
طب اقدم ازاي علي الوظائف ؟
الموضوع سهل جدا
مجرد انك تدخل وتختار ابحث عن وظيفه فى الصفحه الرئيسيه
وبعدين تختار نوع الوظيفه اذا كانت اعمال ادارية او حرف او خدمات اومبيعات او غيره حسب اللي انت عاوز تشتغلة
وتدوس علي بحث
هيظهر الوظايف المناسبه للي انت اختارته
تدخل علي الوظيفة اللي تناسبك وتشوف المرتب والمكان والمميزات ولو عجبتك دوس علي تقدم للوظيفة
مندوب الموارد البشريه هيجيله اشعار انك تقدمت للوظيفه فهيشوف السيره الذاتية اللي انت عملتها علي تطبيق ارزاق دوت كوم وبالتالي لو مناسبه للوظيفه هيبعتلك اشعار انك مناسب وهيكلمك فورا
مفيش فلوس هتدفعها عشان تشتغل
اهتم بالسيره الذاتيه بتاعتك
تابع الصفحه وحدثها دايما
وان شاء الله هنقولك مبروك علي الوظيفه الجديدة من خلال أرزاق
وهي أرزاق
وظائف خاليه
وظائف عمال وفنيين
وظائف مؤهلات عليا حديثي التخرج
فرص تدريب
